Mann 2: Indre Vågen
Vis større kart

I Vågen har du utsikt til det meste som betyr noko i Stavanger. Kielland-statuen, Domkyrkja, fiskehandelen, Cementen, horestrøket, torget, utestadane, Gamle Stavanger og englandsbåten. Dei einaste Stavanger-klassikarane du ikkje kan fornemme frå Indre Vågen, er Stavanger Aftenblad og Viking.

For tida blir heile sentrum pussa opp, og skal vere ferdig til sommaren. Den rustne mannen ytterst på kaia har heldigvis ikkje fått samme brutale behandling som resten av området - han står støtt og glanar ut mot sjøen. Han ser nesten til Natvigs Minde, der den vasstrukne kollegaen står.

13.februar 2006 var nok ein halvkald og grå Stavanger-dag. Med andre ord var det ingen andre som fotograferte den rustne og rake på kaien. Han vert nok nedsøla av øl og kebab i festivalsesongen, men på ein anonym mandag i februar står han tankefull og velpleidd.

Det er nok ein ironi her ein stad: Medan Stavanger sitt gamle og mykje elska torg blir plukka frå kvarandre av gravemaskinar, held det nyaste innslaget stand.


Dette ser Vågen-mannen på.

Mann 2, Indre Vågen: Tilgang med barnevogn: rustfri - rustflekkete - gjennomrusta -rusthaug Denne rustne mannen som turmål: rustfri - rustflekkete - gjennomrusta - rusthaug Utsikt frå mannen: rustfri - rustflekkete - gjennomrusta - rusthaug

  20:59